Варшаўскія актывісты руху супраць сьмяротнага пакараньня запрашаюць беларусаў
Напрацягу трох дзён у Варшаве праходзяць Еўрапейскія дні супраць сьмяротнага пакараньня. Цікавая праграма, якую прадрыхтавалі грамадскія і праваабарончыя арганізацыі, прапануе самыя разнастайныя мерапрыемствы.
8 кастрычніка ў залі С (Colegium Civitas, XII piętro PKiN) адбудзецца паказ фільма "17 жніўня” і дыскусія "Што замест сьмяротнага пакараньня?", у якой прымуць удзел: Галіна Бартноўская, Вольга Саламатова (Хельсінкскі фонд па правах чалавека), Марэк Лагадзінскі (прэзідэнт Фонд "Slawek"), генэрал Павал Насілоўскі (прадстаўнік міністра юстыцыі). Пачатак у 18-00.
У нядзелю, 10 кастрычніка, на вуліцы перад варотамі на Новым Свяце 48 (wysokości kluboksięgarni Instytutu Reportażu "Wrzenie Świata") з 9 да 21-00 пройдуць акцыі:
”Прыйдзі і падпішы дэклярацыю супраць смяротнага пакараньня і лісты ў абарону асуджаных” і “Пазнаёмся з людзьмі Horizontu, стань побач з імі”.
Арганізатары запрашаюць усіх, каму неабыякавы лёс асуджаных да сьмяротнага пакараньня.
