У КПЧ ААН зарэгістраваная скарга асуджанага да смяротнага пакарання Гершанкова

Разгляд апеляцый па справе "чорных рыэлтараў" у Вярхоўным судзе 18 снежня 2017 года.
Разгляд апеляцый па справе "чорных рыэлтараў" у Вярхоўным судзе 18 снежня 2017 года.

Камітэт ААН па правах чалавека 13 ліпеня пацвердзіў рэгістрацыю індывідуальнага зварота Ігара Гершанкова, які быў асуджаны да смяротнага пакарання Магілёўскім абласным судом 21 ліпеня 2017 года.

Як паведаміў каардынатар кампаніі “Праваабаронцы супраць смяротнага пакарання ў Беларусі” Андрэй Палуда, зварот асуджанага быў зарэгістраваны Камітэтам пад нумарам 3209/2018. Праваабаронца ўжо атрымаў адпаведнае паведамленне:

“Згодна з адпраўленага Вам ліста, Ваша індывідуальнае паведамленне, накіраванае ў Камітэт па правах чалавека ў інтарэсах г-на Ігара Гершанкова, было зарэгістравана за нумарам 3209/2018 і ўжо накіравана дзяржаве-ўдзельніку разам з запытам аб прыняцці часовых мер, у выглядзе прыпынення выканання пакарання ў выглядзе смяротнай кары да вынясення Камітэтам канчатковага рашэння ў дачыненні да гэтага паведамлення”.

Раней праваабаронцы інфармавалі, што намеснік старшыні Вярхоўнага суда прыпыніў выкананне смяротных прысудаў ў адносінах да Ігара Гершанкова і Сямёна Беражнога на час разгляду іх наглядных скаргаў. Але на дадзены момант скаргі разгледзены, аб чым паведамлена абаронцам абвінавачаных. Гэта фактычна азначае, што тэрмін прыпынення выканання смяротных прысудаў у звязку з раглядам наглядных скаргаў скончаны. І смяротны прысуд можа быць прыведзены ў выкананне ў любы час.

Але праваабаронцы спадзяюцца, што Рэспублікай Беларусь будуць прыняты часовыя меры аб прыпыненні выканання смяротнага пакарання да часу разгляду звароту Ігара Гершанкова Камітэтам ААН па правах чалавека.


Па прысудзе Магілёўскага абласнога суда 21 ліпеня Ігар Гершанкоў і яго жонка Таццяна Гершанкова абвінавачваліся ў здзяйсненні забойстваў і падрыхтоўцы да здзяйснення забойстваў, выкраданні чалавека і падрыхтоўцы да выкрадання, а таксама ў махлярстве, разбоі, вымагальніцтве, крадзяжы або знішчэнні дакументаў. Таццяну Гершанкову дадаткова абвінавацілі ў незаконным абароце наркотыкаў або псіхатропаў. Судом было ўстаноўлена, што злачынная група агулам зарабіла на махінацыях з чужым жыллём больш за 2 мільярды недамінаваных рублёў.

Удзельнікам злачыннай групоўкі былі вынесеныя наступныя прысуды:

  • Ігару Гершанкову – вышэйшая мера пакарання - растрэл; 
  • Сямёну Беражнову – вышэйшая мера пакарання -  растрэл;
  • Таццяне Гершанковай – 24 гады турмы з канфіскацыя маёмасці;
  • Барысу Калеснікаву – 22 гады і 1 месяц калоніі строгага рэжыму.

20 снежня 2017 года Калегія па крымінальных справах Вярхоўнага суда Беларусі вынесла рашэнне па апеляцыйных скаргах двух фігурантаў так званай справы магілёўскіх «чорных рыэлтараў»: Ігара Гершанкова і Барыса Калеснікава: прысуд Магілёўскага абласнога суда ад 21 ліпеня пакінуць у сіле, а скаргі без задавальнення.

Кніга «Смяротнае пакаранне ў Беларусі»

Улёткі, дыскі, лагатыпы

Смяротныя прысуды ў Беларусі з 1990 г.

Навіны