У Вішнева ўшанавалі памяць першага абаліцыяніста свету Святога Амброзія

Ксёндз Юзаф Мельдзюк
Ксёндз Юзаф Мельдзюк

У касцёле Дзевы Марыі ў вёсцы Вішнева Валожынскага раёна 6 кастрычніка ў 12.00 распачалася імша, прысвечаная Святому Амброзію Медзіяланскаму (каля 340 – 397 гг), які лічыцца першым вядомым абаліцыяністам у свеце.

imsha_ambrozij_2.jpg
Святы Амброзій Медзіяланскі

Ён быў адвакатам да таго, як стаў біскупам Мілана, і таму свае прапановы па адмене смяротнага пакарання грунтаваў не толькі на маральных прынцыпах, але і на прынцыпах права.

Менавіта Святы Амброзій прапанаваў імператару Феадосію Вялікаму адмяніць смяротнае пакаранне.

“З пункту гледжання нашай веры, ніхто не павінен забіць чалавека, які ў свой час будзе мець магчымасць для пакаяння да самага моманту яго смерці”, - пісаў Святы Амброзій у сваёй працы “Каін і Авель”.

Імшу праводзіў ксёндз Юзаф Мельдзюк. У касцёле прысутнічалі старшыня ПЦ "Вясна" Алесь Бяляцкі, каардынатар кампаніі "Праваабаронцы супраць смяротнага пакарання" Андрэй Палуда, старшыня Цэнтра прававой трансфармацыі Lawtrend Алена Танкачова, Паліна Сцепаненка, мастак Алесь Пушкін ды мясцовыя вернікі.

Арганістка касцёла Дзевы Марыі з Вішнева, Марыя Трапашка, напісала гімн, прысвечаны Святому Амброзію.

imsha_ambrozij_7.jpg
Каардынатар кампаніі "Праваабаронцы супраць смяротнага пакарання ў Беларусі" Андрэй Палуда на фоне касцёла Дзевы Марыі ў в. Вішнева

Кніга «Смяротнае пакаранне ў Беларусі»

Улёткі, дыскі, лагатыпы

Смяротныя прысуды ў Беларусі з 1990 г.

Навіны