Гамяльчук прабег марафон у падтрымку адмены смяротнага пакарання ў Беларусі

Антон Назаранка. Фота: mspring.online
Антон Назаранка. Фота: mspring.online

Больш за 3 тысячы ўдзельнікаў прыняў другі «Мебелайн Марафон» у Магілёве. 6 кастрычніка а 10 гадзін раніцы з плошчы Славы стартавалі першыя ўдзельнікі забегу. Сярод іх – валанцёр праваабарончага цэнтру “Вясна” з Гомеля Антон Назаранка, які спецыяльна прыехаў у Магілёў, каб падтрымаць Тыдзень супраць смяротнага пакарання. Ён адолеў марафонскую дыстанцыю (42 км. 195 м.) за 4 гадзіны 8 хвілін і ў агульным заліку стаў 82-ым, паведамляе mspring.online.

Большую частку дыстанцыі ён прабег у спецыяльнай майцы «Не – смяротнаму пакаранню».

 Антон Назаранка. Фота: mspring.online

Па яго ўласным прызнанні, для яго было прынцыпова заявіць пра сваю пазіцыю на такім масавым мерапрыемстве падчас правядзення Тыдня супраць смяротнага пакарання.

Сусветны дзень супраць смяротнага пакарання (World Day Against the Death Penalty) штогод адзначаецца 10 кастрычніка. У Еўропе Рэспубліка Беларусь застаецца апошняй дзяржавай, у якім да гэтага часу ўжываецца смяротнае пакаранне. За мінулы год у Беларусі расстралялі 4 чалавекі. У гэтым – ужо 2.

Тыдзень супраць смяротнага пакарання праводзіцца штогод кампаніяй «Праваабаронцы супраць смяротнага пакарання».

Кніга «Смяротнае пакаранне ў Беларусі»

Улёткі, дыскі, лагатыпы

Смяротныя прысуды ў Беларусі з 1990 г.

Навіны