Сёння Вярхоўны Суд разглядае апеляцыю асуджанага да смяротнай кары Сяргея Вострыкава
-
- Сяргей Вострыкаў. Фота tut.by
4 кастрычніка ў Вярхоўным Судзе Беларусі адбываецца апеляцыйны разгляд справы Сяргей Вострыкава, асуджанага Гомельскім абласным судом да смяротнага пакарання.
Паседжанне судовай калегіі па крымінальных справах Вярхоўнага Суда распачалося ў 9:30 і будзе праходзіць у закрытым рэжыме з прычыны наяўнасці акалічнасцяў справы, якія суд не можа агучваць публічна.
Нагадаем, 19 траўня бягучага годa Гомельскі абласны суд вынес смяротны прысуд 33-гадоваму жыхару абласнога цэнтра Сяргею Вострыкаву, які быў прызнаны вінаватым у двух асобных выпадках згвалтавання і забойства. Нягледзячы на ўзрастаючы нацыянальны і міжнародны ціск на Беларусь з заклікам адмяніць смяротнае пакаранне, гэта трэці прысуд ад пачатку 2016 года.
