Скажы НЕ смяротнаму пакаранню

Нашы дзеянні за адмену смяротнага пакарання

Мы ўжо 20 гадоў праводзім інфармацыйную кампанію супраць смяротнага пакарання, выступаем з яе асуджэннем на міжнародных канферэнцыях

Інфармаванне грамадскасці

Паводле сацыялагічнага даследавання, амаль 33% нашых суграмадзянаў не ведаюць пра тое, што ў Беларусі ўжываецца смяротнае пакаранне. За час працы над гэтай праблемай мы правялі дзясяткі мерапрыемстваў, накіраваных на інфармаванне людзей пра гэта пытанне.

Праца з дзяржаўнымі органамі

Парушэнне правоў чалавека заўсёды зыходзіць з дзеянняў або бяздзейнасці ўлады. Так сама адбываецца і з аднаўленнем права – гэта магчыма толькі намаганнямі дзяржавы. Іншымі словамі, калі чалавека да смяротнага пакарання прысудзіла дзяржава, то толькі дзяржава можа гэта рашэнне адмяніць, калі дзяржава выкарыстоўвае смяротнае пакаранне, то толькі дзяржава можа ад яго адмовіцца – па сваёй палітычнай волі ці пад ціскам праваабаронцаў і сусветнай супольнасці.

Міжнароднае супрацоўніцтва

Намаганні праваабаронцаў Беларусі, накіраваныя на адмену смяротнага пакарання, падтрымліваюцца ўрадамі еўрапейскіх краінаў і міжнароднымі арганізацыямі, а таксама шэрагам грамадскіх арганізацый. У сённяшніх рэаліях часцяком нашы міжнародныя партнёры з'яўляюцца пасрэднікамі ў прад'яўленні патрабаванняў да ўладаў Беларусі.

Навіны

Праваабарончая праграма "Вясна"

10 кастрычніка — Міжнародны дзень супраць смяротнага пакарання.

За апошнія 10 гадоў у Беларусі вынеслі 24 смяротныя прысуды. Агляд гучных справаў

За гэты час памілавалі толькі траіх.

"Наяўнасць смяротнага пакарання заўсёды з'ўляецца лакмусавай паперкай сітуацыі з правамі чалавека"

Вялікая гутарка з каардынатарам кампаніі "Праваабаронцы супраць смяротнага пакарання ў Беларусі" Андрэем Палудам.