Скажы НЕ смяротнаму пакаранню

На выходных каля польска-беларускай мяжы на Падляшшы прайшоў "Фестываль абуджаных «Тутака»". Праваабаронцы "Вясны" далучыліся да яго, каб распавесці пра праблему смяротнага пакарання ў Беларусі. Вясноўцы раздалі цішоткі з лагатыпам кампаніі "Праваабаронцы супраць смяротнага пакарання ў Беларусі", а ўдзельнікі вядомага беларускага гурта "Dzieciuki" выступілі на знак пратэсту супраць смяротнага пакарання ў гэтых цішотках. Паказваем, хто з беларусаў і беларусак сказаў "НЕ" смяротнаму пакаранню ў Беларусі, а каардынатар кампаніі Андрэй Палуда распавёў пра важнасць гучання гэтай тэмы сёння.

"Наяўнасць смяротнага пакарання ў сучаснай Беларусі — важны паказчык той сістэмы гвалту і рэпрэсій, якая існуе ў нашай краіне. Вельмі важна гаварыць і нават крычаць пра тыя падзеі, якія адбываюцца ў Беларусі. І дзякуй усім беларусам і беларускам, якія падтрымліваюць нас, гавораць і дзейнічаюць.

Смяротнае пакаранне заўсёды было індыкатарам стана правоў чалавека ў нашай краіне. Цяпер пасля апошніх зменаў у Крымінальны кодэкс да вышэйшай меры пакарання могуць асудзіць, напрыклад, толькі за замах на "тэрарызм". Таму важна працягваць казаць пра смяротнае пакаранне і ў сённяшнім кантэксце рэпрэсій у Беларусі", — кажа Андрэй Палуда.

"Dzieciuki" падчас выступу ў цішотках "НЕ смяротнаму пакаранню"

"Забойства нараджае новае забойства. Таму мы прынцыпова выступаем супраць смяротнага пакарання, а ў сучаснай Беларусі гэта зразумела", — сказаў падчас выступу фронтмэн гурта "Dzieciuki" Алесь Дзянісаў.

Лідарка дэмакратычных сілаў Беларусі Святлана Ціханоўская падтрымала кампанію "Праваабаронцы супраць смяротнага пакарання"

Вядомая баскетбалістка Кацярына Сныціна падтрымала кампанію "Праваабаронцы супраць смяротнага пакарання"

Андрэй Палуда, менеджарка Юлія Катаржынская і журналістка palatno.media Зоя Хруцкая

Кампанію падтрымаў былы палітзняволены журналіст Саша Івулін

"НЕ" смяротнаму пакаранню сказаў і Аляксанд Ждановіч "Маляваныч"

"НЕ смяротнаму пакаранню" сказалі былы палітвязень па "справе Ціханоўскага" Зміцер Фурманаў і ягоная жонка Вольга

Праваабаронцы раздаюць цішоткі "НЕ смяротнаму пакаранню"

Андрэй Палуда з выпускніком і выпускніцай Беларускай праваабарончай школы

Праваабаронцы "Вясны" Наста Васільчук, Дзіяна Пінчук, Андрэй Палуда і актывітска Святлана Гатальская

Андрэй Палуда і галоўны рэдактар 6tv.by Зміцер Салаўёў у цішотках "НЕ смяротнаму пакаранню"

Купалавец Андрэй Дробыш падтрымаў кампанію "Праваабаронцы супраць смяротнага пакарання"

Актуальную інфармацыю пра стан смяротнага пакарання ў Беларусі можна адсочваць у Telegram-канале "Праваабаронцы супраць смяротнага пакарання ў Беларусі"