Вацлаў Гавал: “Пакараньне сьмерцю я з прынцыповых меркаваньняў асуджаю”
Скарыстаўшыся прапановай сайта Радыё Свабода, праваабаронцы звярнуліся да першага прэзыдэнта Чэхіі Вацлава Гавала з пытаньнем наконт яго адносінаў да захаваньня ў дзяржаве сьмяротнага пакараньня. Вядомы палітык і драматург у сваіх развагах адзначыў, што ўсё жыцьцё адмаўляў гэты від кары.
- Паважаны спадар Гавал! Зараз у нашай краіне праводзіцца кампанія ў абарону права на жыццё, бо Рэспубліка Беларусь – адзіная краіна ў Эўропе і на постсавецкай прасторы, дзе захоўваецца смяротнае пакаранне, выносяцца і прыводзяцца ў выкананне смяротныя прысуды. Нажаль, мы не маем такой магчымасці прасіць вас асабіста падпісаць петыцыю, але, можа быць, вы выкажыце сваё меркаванне па гэтым пытанні. Ці мае права дзяржава забіраць жыццё ў чалавека, нават калі ён з'яўляецца апошнім злачынцам?
- Я ўсё сваё жыцьцё адмаўляў сьмяротнае пакараньне, і для меня гэта – зразумелая рэч. Тым ня менш, ведаю, што грамадзкасьць – ня толькі ў Беларусі, але і, відаць, ва ўсіх краінах – зьяўляецца прыхільніцай сьмяротнага пакараньня. Думаю, што калі б у нас быў рэфэрэндум, дык большасьць людзей таксама выступіла б за аднаўленьне сьмяротнага пакараньня. Зь нейкіх прычынаў людзям падабаецца, калі злачынцаў караюць сьмерцю. Але я яго з прынцыповых меркаваньняў асуджаю, - зазначыў Вацлаў Гавал.
