Праваабаронцы трапілі ў міліцыю
-
- В.Стэфановіч і А.Бяляцкі перад акцыяй
Ноч да суду праваабаронцы Алесь Бяляцкі, Валянцін Стэфановіч, Ірына Тоўсьцік правядуць у Цэнтры ізаляцыі правапарушальнікаў, што па вул.Акрэсьціна, 4. Журналіста Сяржука Сыса адпусьцілі без тлумачэньняў, разарваўшы складзены на яго пратакол. Праваабаронцаў вінавацяць паводле артыкула 23.34 КаАП - «парушэньне правілаў правядзеньня масавых мерапрыемстваў». Разгляд іх справаў адбудзецца 23 сакавіка ў судзе Ленінскага раёну Менску (Дом Правасуддзя, вул. Сямашкі 33). Час пачатку судовага працэсу пакуль невядомы.
***
Пасьля правядзеньня прэс-канферэнцыі, зьвязанай з прывядзеньнем у выкананьне сьмяротных прысудаў, праваабаронцы накіраваліся да адміністрацыі прэзідэнта, каб выказаць свой пратэст уладам, якія парушылі такім чынам міжнароднае і нацыянальнае заканадаўства.
Апранутыя ў адмысловыя майкі Алесь Бяляцкі, Валянцін Стэфановіч, Ірына Тоўсьцік і журналіст Сяргей Сыс разгарнулі расьцяжку "НЕ сьмяротнаму пакараньню", у выніку чаго апынуліся ў апорным пункце міліцыі Ленінскага раёну сталіцы.
15-20 Зараз іх вязуць у Ленінскі РУУС.
15-30 У Ленінскім РУУС чакаюць гутаркі з намесьнікам начальніка ўпраўленьня, пратаколы пакуль не складалі.
17-00 На затрыманых складзены адміністрацыйныя пратаколы па арт.23.34 КаАП РБ
