На Дзяды ў Польшчы запаляць зьнічы ў памяць аб пакараных сьмерцю беларусах
На Дзяды сябры польскай праваабарончай арганізацыі “Гарызонт” запаляць зьнічы ў памяць аб растраляным у Беларусі па прысуду суда Андрэю Жуку.
10 сьнежня, пад час Міжнароднага дня супраць сьмяротнага пакараньня ў Варшаве, актывісты арганізацыі правялі акцыю “Пазнаёмся з людзьмі Horizontu, стань побач з імі”. Пад час акцыі былі сабраныя подпісы пад адкрытым лістом Святлане Жук, маці растралянага ў сакавіку 2010 года Андрэя Жука:
“Паважаная Пані! Выказваем глыбокае і шчырае перакананьне, што сваякі асобаў, асуджаных да сьмяротнага пакараньня, маюць права на годныя пахаваньне іх целаў. Пані, а таксама ўсім, хто да гэтага моманту не могуць гэтага зрабіць, выказваем спачуваньне і абяцаем памяць у дзень, прысьвечаны памерлым.”
Horizont актыўна падтрымлівае кампанію “Праваабаронцы супраць сьмяротнага пакараньня” ў Беларусі. Нядаўна польскія сябры ўзяліся за прамоцыю відэафільма, створанага супольнымі намаганьнямі беларускіх актывістаў кампаніі “Праваабаронцы супраць сьмяротнага пакараньня”, тэлеканалам “Белсат”, і міжнароднай арганіазацыяй “Amnesty International”. Яны дапоўнілі стужку тытрамі на польскай мове.
