Пісьменьнікі выказалі сваё стаўленьне да палітвязьняў і сьмяротнага пакараньня
Удельнікі ХVІ З’езда Саюз беларускіх пісьменнікаў, які адбыўся 10 сьнежня ў Менску, прынялі некалькі заяў, у якіх выказалі сваю пазіцыю адносна грамадска-палітычнай сітуацыі, што склалася ў краіне ў апошні час.
У прыватнасьці, сябры СБП патрабуюць “неадкладнага вызвалення з-за кратаў сяброў нашага Саюза Паўла Севярынца і Алеся Бяляцкага, прававой рэабілітацыі раней асуджаных пісьменнікаў Уладзіміра Някляева і Аляксандра Фядуты, вызвалення ўсіх палітвязняў”.
Не пакінула пісьменніцкая супольнасьць без увагі і тэму адмены сьмяротнага пакараньня ў Беларусі. Яны патрабуюць неадкладна ўвесьці мараторый на выкананьне смяротнага пакараньня ў Рэспубліцы Беларусь.
