Тэкст прысуду Дзмітрыю Канавалаву і Уладзіславу Кавалёву, якіх чакае вышэйшая мера пакараньня
Дзмітрый Канавалаў і Уладзіслаў Кавалёў, якіх 30 лістапада 2011 года Вярхоўны суд Беларусі асудзіў да сьмяротнага пакараньня за выбухі на станцыі метро «Кастрычніцкая» ў красавіку 2011 году і у ліпені 2008 году ў Менску на Дзень Рэспублікі, а таксама за шэраг больш дробных выбухаў, чакаюць вырашэньня свайго лёсу ў камеры сьмяротнікаў.
Яшчэ 6 сьнежня яны атрымалі копіі судовага прысуду. Як вядома, Уладзіслаў Кавалёў падаў прашэньне ў Камісію па памілаваньні пры Прэзідэнце Беларусі. Але, як паведамляў напрыканцы года сябра камісіі па памілаваньні Яўген Смірноў, гэтая камісія наўрад ці будзе працаваць па справе Канавалава і Кавалёва да канца 2011 года. Верагодна пытаньне памілаваньня будзе разглядацца ў студзені. Пасьля разгляду прашэньня Камісіяй апошняе слова застанецца за прэзідэнтам Беларусі.
Ніжэй публікуецца поўны тэкст прысуду Вярхоўнага суда па справе Дзмітрыя Канавалава і Уладзіслава Кавалёва.
Дакументы
- Прысуд па справе Канавалава і Кавалёва (11.16 Mb)
