Андрэй Палуда: "На жаль, беларускія ўлады не прыслухоўваюцца да рэзалюцый Еўрапарламента"
-
- Андрэй Палуда
Сёньня дэпутаты Еўрапарламенту абмяркуюць пытаньне сьмяротнага пакараньня ў Беларусі, Егіпце і Японіі. Прадстаўнікі кампаніі “Праваабаронцы супраць сьмяротнага пакараньня” будуць уважліва сачыць за рэакцыяй Еўропы на падзеі ў Беларусі.
“Нас вельмі цікавіць, якую рэзалюцыю прыме Еўрапарламент па беларускім пытаньні. Тым больш, што пытаньне будзе разглядацца ў кантэксьце крымінальнай справы па выбуху ў менскім метро, па якой да сьмяротнага пакараньня былі асуджаныя Дзьмітрый Канавалаў і Ўладзіслаў Кавалёў”,- адзначыў каардынатар кампаніі “Праваабаронцы супраць сьмяротнага пакараньня” Андрэй Палуда.
“Вельмі важна, што пытаньне сьмяротнага пакараньня ў Беларусі абмяркоўваецца на такім высокім узроўні, што прадстаўнікоў еўрапейскіх краінаў гэтая праблема хвалюе. А з іншага боку, можна казаць аб тым, што беларускія ўлады, на жаль, не асабліва прыслухоўваюцца да рэзалюцый Еўрапарламента. І асаблівых спадзяваньняў на тое, што гэтая рэзалюцыя зможа неяк паўплываць на сітуацыю, у нас застаецца ўсё меньш і меньш”,- мяркуе праваабаронца.
