Кіраўнік ПАРЕ пра прысуд Кавалёву і Канавалаву: Здарылася непапраўнае

Старшыня Парламенцкай асамблеі Рады Еўропы (ПАРЕ) Жан-Клод Міньён шакаваны прывядзеннем у выкананне прыгавору ў дачыненні да Дзмітрыя Канавалава і Уладзіслава Кавалёва.

"Цалкам непапраўнае, — гаворыцца ў заяве Міньёна. — Беларускія ўлады чарговым разам засталіся глухімі да шматлікіх заклікаў міжнароднай супольнасці пра памілаванне. Смяротная кара — жорсткая, у ёй няма неабходнасці, гэта варварская практыка, якой няма месца ў цывілізаваным грамадстве".

Жан-Клод Міньён нагадаў, што ПАРЕ неаднаразова заклікала беларускія ўлады не караць смерцю Канавалава і Кавалёва не толькі па прычыне непрымальнасці вышэйшай меры, але і з-за вялікай колькасці пытанняў да якасці судовага працэсу.

Кіраўнік ПАРЕ выказаў спачуванні сем'ям пакараных смерцю, якіх Вярхоўны суд прызнаў вінаватымі па крымінальнай справе аб выбуху ў мінскім метро 11 красавіка 2011 года.

Кніга «Смяротнае пакаранне ў Беларусі»

Улёткі, дыскі, лагатыпы

Смяротныя прысуды ў Беларусі з 1990 г.

Навіны