У Гродне вынесены смяротны прысуд 23-гадоваму хлопцу
Жорсткае двайное забойства адбылося ў Гродна 5 жніўня мінулага года. Жыхар Вілейкі 1990 года нараджэння ў кватэры інтэрната ў Гродне забіў з рэўнасці сваю жонку, жыхарку Жлобіна, і яе знаёмага гродзенца. Труп мужчыны злачынец расчляніў і выкінуў у смеццевы бак, а галаву забраў з сабой. З галавой у сумцы яго затрымалі праваахоўнікі ў цягніку ў Ваўкавыску.
Маладыя людзі пазнаёміліся ў Інтэрнэце і цікавіліся акультызмам, аднак рытуальныя мэты забойства не пацвердзіліся. Жыхар Вілейкі прызнаны свядомым.
Учора Гродзенскі абласны суд прызнаў абвінавачанага вінаватым па чатырох артыкулах: арт.139 ч.2 пункты 1 і 6 (забойства дзвюх асоб, учыненае з асаблівай жорсткасцю); арт.205 ч.1 (крадзёж); ст.347 ч.1 (здзек над трупамі), ст.378 (крадзёж асабістых дакументаў), і па сукупнасці злачынстваў вынес прысуд аб прымяненні выключнай меры пакарання - смяротнай кары. Працэс вёў суддзя Анатоль Заяц.
На працягу 10 сутак прысуд можа быць абскарджаны ў Вярхоўным судзе.
