У Берліне збіралі подпісы за адмену смяротнага пакарання ў Беларусі
-
- Акцыя супраць смяротнага пакарання ў Берліне ў кастрычніку 2013 года.
Акцыя супраць смяротнага пакарання ў Беларусі адбылася нядаўна ў Берліне. Яна была арганізаваная актывістамі Берлінскага аддзялення праваабарончай арганізацыі “Міжнародная амністыя” (Amnesty International) і прымеркаваная да Сусветнага дня барацьбы супраць смяротнага пакарання.
У межах акцыі актывісты арганізавалі збор подпісаў за адмену смяротнай кары ў Беларусі. Больш за 180 подпісаў жыхары берлінскай сталіцы пакінулі за адмену смяротнага пакарання для асуджаных сёлета да растрэлу Паўла Селюна, Рыгора Юзэпчука і Аляксандра Гарунова.
