Берасцейцы дыскутавалі пра смяротнае пакаранне
-
- Алесь Бяляцкі. Фота Радыё "Рацыя"
Больш за дзве гадзіны на офісе берасцейскага “Агенцтва “Пропус” дыскутавалі на тэму смяротнага пакарання, паведамляе Радыё "Рацыя".
Ганаровым удзельнікам дыскусіі стаў праваабаронца і экс-палітвязень Алесь Бяляцкі.
Ён зазначыў, што тэма для Беларусі – апошняй краіны ў кантынентальнай Еўропе, дзе прымяняецца смяротнае пакаранне, – досыць актуальная:
– Гэтая тэма насамрэч хвалюе людзей з некалькіх пунктаў погляду: і з гуманнага, і з цывілізацыйнага. Відавочна, што людзі думаюць над гэтым пытаннем. Адказу на пытанне, чаму ў нас гэта адбываецца, у Беларусі, на жаль, на сённяшні дзень не маю ні я, ні нашае грамадства.
На пытанне рэспубліканскага рэферэндуму 1996 года ў падтрымку смяротнага пакарання выказаліся больш за 6 мільёнаў грамадзян. Толькі за 2016 год у Беларусі прысудзілі да вышэйшай меры не менш за чатырох чалавек, паведамляе сайт “Amnesty International”.
