Пра смяротнае пакаранне дыскутавалі ў Шклове

Алесь Грудзіна, Юры Нагорны, Віктар Трацякоў каля яўрэйскіх могілак і ўнікальнага помніка 17-га стагоддзя. Гэта Бісхаiм – калідор для перахода з нашага свету ў іншасвет.
Алесь Грудзіна, Юры Нагорны, Віктар Трацякоў каля яўрэйскіх могілак і ўнікальнага помніка 17-га стагоддзя. Гэта Бісхаiм – калідор для перахода з нашага свету ў іншасвет.

Фільм “Гісторыя смяротнага пакараня ў Беларусі”, зняты ў межах кампаніі “Праваабаронцы супраць смяротнага пакарання ў Беларусі”, паглядзелі ды абмеркавалі ў Шклове падчас адкрыцця Літаратурнага салона імя Міхася Зарэцкага.  

Як паведамляе Беларускае Радыё Рацыя, перад пачаткам дыскусіі стваральнікі фільма і краязнаўца Алесь Грудзіна наведалі месца масавага расстрэлу габрэяў падчас Другой сусветнай вайны і мемарыял на могілках.  

Пасля прагляду фільма адбылася дыскусія, падчас якой абмяркоўвалася права на жыццё і ролю смяротнага пакарання ў гісторыі Беларусі.

Пётр Мігурскі, прадстаўнік грамадзянскай ініцыятывы “Шклоўскі магістрат” сказаў:

“Прыйшоў час адмяняць смяротнае пакаранне ў Беларусі. Асабліва страшна, калі за чужую віну расстраляны невінаваты. Па нашых звестка ў Шклове такое адбылося апошні раз у 1996 годзе. За забойства шасцігадовай дзяўчынкі быў расстраляны невінаваты. Асудзілі і расстралялі беспрацоўнага з Воршы, а маньяк застаўся на волі і працягнуў забіваць”.    

Сярод удзельнікаў дыскусіі былі настаўнікі, якія сказалі, што фільм пра гісторыю смяротнага пакарання варта паказваць у школах. Прысутныя медыкі адзначылі, што права на жыцё ёсць у кожнага чалавека і падчас рэанімацыйных дзеянняў чалавека ратуюць да апошняга – пакуль ёсць хаця бы малая надзея на выратаванне.  

Кніга «Смяротнае пакаранне ў Беларусі»

Улёткі, дыскі, лагатыпы

Смяротныя прысуды ў Беларусі з 1990 г.

Навіны