Лукашэнка адказаў на пытанне пра магчымасць адмены смяротнай кары
-
- Аляксандр Лукашэнка
Аляксандр Лукашэнка 12 лістапада на сустрэчы з журналістамі ў Вене адказаў на пытанне пра магчымасць адмены ў Беларусі смяротнага пакарання, піша Наша Ніва са спасылкай на БелТА.
«Адказваючы проста на ваша пытанне: рэферэндум вырашыў гэтую праблему. Толькі рэферэндум можа яе адмяніць. Мы ў гэтым напрамку рухаемся», — сказаў кіраўнік дзяржавы.
Нагадаем,12 лістапада ў Вене Аляксандр Лукашэнка правёў афіцыйныя перамовы з федэральным прэзідэнтам Аўстрыі Аляксандрам Ван дэр Беленам. Сустрэча прайшла ў вузкім і пашыраным фарматах. Пра яе вынікі кіраўнік беларускай дзяржавы разам са сваім аўстрыйскім калегам распавёў прадстаўнікам СМІ.
