Смяротнае пакаранне ў ЗША: Гісторыя існавання і крокі да адмены
-
- Ілюстрацыйнае фота
“Вельмі часта пры дыскусіі пра смяротнае пакаранне ў Беларусі прыхільнікі і прыхільніцы такой меры пакарання апелююць да практыкі Злучаных Штатаў Амерыкі, дзе смяротная кара дагэтуль існуе ў 28 штата”.
З такіх словаў пачынаецца матэрыял пра гісторыю існавання смяротнага пакарання ў ЗША і крокі да яе адмены, сумесна падрыхтаваным кампаніяй “Праваабаронцы супраць смяротнага пакарання” і Беларускай праваабарончай школай.
У тэксце падрабязна распавядаецца пра спосабы прывядзення прысудаў у выкананне ў ЗША, а таксама прыводзяцца прыклады памылковых судовых прысудаў.
“У некалькіх штатах смяротнага пакарання ніколі не было: Мічыган адмяніў яе неўзабаве пасля ўступлення ў Саюз, а Аляска і Гаваі перад атрыманнем правоў штата.
Зараз налічваецца 22 штаты, якія адмянілі смяротнае пакаранне.
Важна адзначыць, што ў шматлікіх Штатах смяротнае пакаранне хоць і існуе, аднак ўжываецца выключна рэдка. Так у Нью-Гемпшыры нікога не каралі смерцю з 1939 года, нягледзячы на тое, што смяротнае пакаранне адмянілі толькі у 2019 годзе. У Канзасе не было ніводнага пакарання з 1965 года. У Ваёмінгу, Каларада, Нью-Мексіка і Канэктыкуце было толькі па адным пакаранні з 1976 года (у 2020 годзе смяротнае пакаранне захоўвалася толькі ў Ваёмінгу). Яшчэ ў сямі Штатах было менш за пяць пакаранняў з 1976 года”, - падкрэсліваецца ў матэрыяле.
Чытаць матэрыял цалкам:
СМЯРОТНАЕ ПАКАРАННЕ Ў ЗША
