Спроба нумар два: прызначаная дата разгляду скаргі асуджанага да смяротнага пакарання Скрундзіка

29-гадовы Віктар Скрундзік у судзе. Фота: spring96.org
29-гадовы Віктар Скрундзік у судзе. Фота: spring96.org

Прызначаная дата разгляду ў Вярхоўным судзе апеляцыйнай скаргі асуджанага да смяротнага пакарання жыхара Слуцкага раёна Віктара Скрундзіка.

Яшчэ 6 сакавіка 2020 года Мінскі абласны суд на выязным пасяджэнні ў Слуцку абвясціў прысуды "слуцкай бандзе". Жыхароў Слуцкага раёна абвінавацілі ў забойстве пенсіянераў і замаху на забойства 85-гадовай жанчыны.

Трое фігурантаў справы былі прысуджаныя да вялікіх тэрмінаў зняволення (Валянцін Бушнін, Сяргей Захарчанка і Віталь Мяцеж), а Віктар Скрундзік – да смяротнага пакарання.

Прысуд быў абскарджаны ў Вярхоўным судзе Беларусі і 30 чэрвеня 2020 года калегія Вярхоўнага суда па крымінальных справах агучыла рашэнне, якім задаволіла апеляцыйную скаргу і адмяніла смяротны прысуд Віктару Скрундзіку.

Справу вярнулі на новы разгляд у Мінскі абласны суд, які ў другі раз на выязным пасяджэнні ў Слуцку 15 студзеня 2021 года агучыў прысуд ў дачыненні да Віктара Скрундзіка і яшчэ траіх жыхароў Слуцкага раёна. Працэс пачаўся 7 верасня, але 12 кастрычніка, калі ў судзе павінны былі заслухаць апошнія словы абвінавачаных, судовыя працэсы некалькі разоў пераносіліліся па прычыне COVID-19.

Ранейшыя прысуду ўсім чатыром фігурантам справы пакінулі без зменаў.

Першы ў гэтым годзе смяротны прысуд вынесены ў Слуцку

Рэдкая з’ява ў практыцы вынясення смяротных прысудаў у Беларусі, калі калегія Вярхоўнага суда адмяняе раней вынесенае пакаранне і вяртае справу на новы разгляд.

Па інфармацыі, атрыманай каардынатарам кампаніі “Праваабаронцы супраць смяротнага пакарання ў Беларусі” Андрэем Палудам ад сваякоў асуджанага, апеляцыйная скарга ў Вярхоўны суд была пададзеная і на гэты раз.

Разгляд яе прызначаны ў Вярхоўным судзе на 4 траўня. Пачатак у 9-30.

Amnesty International: Колькасць смяротных пакаранняў у свеце знізілася да дзесяцігадовага мінімуму

Еўрапейскі парламент выказаў занепакоенасць захаваннем у краіне смяротнага пакарання і заявіў, што "рашуча асуджае далейшае прымяненне смяротнага пакарання і заклікае да яго неадкладнай і канчатковай адмены.

Кніга «Смяротнае пакаранне ў Беларусі»

Улёткі, дыскі, лагатыпы

Смяротныя прысуды ў Беларусі з 1990 г.

Навіны