Вярхоўны суд разгледзіць апеляцыю асуджанага да смяротнага пакарання
-
- Віктар Паўлаў. Скрыншот з відэасюжэта на ютуб-канале Следчага камітэта РБ.
Заўтра, 12 лістапада, Вярхоўны суд разгледзіць апеляцыйную скаргу асуджанага да смяротнага пакарання Віктара Паўлава. Суд прызначаны на 9:30 гадзін.
Смяротны прысуд віцябчаніну быў вынесены 30 ліпеня 2019 года Віцебскім абласным судом, абвінаваціўшы ў забойстве дзвюх пенсіянерак.
Сястра віцебскага смяротніка: “Я нават не ведала, што ў Беларусі існуе смяротнае пакаранне”
Сястра Паўлава Раіса распавяла праваабаронцам “Вясны”, што збіраецца змагацца за жыццё Віктара.
Менш, чым месяц таму, 25 кастрычніка Брэсцкі абласны суд вынес смяротны прысуд жыхару Лунінца Віктару Сергілю.
